<<رررررررررراح يجيب حشيشه
الله يرحم زمان اول مافيه الا تلفون ثابت واللي يغازلون مالهم الا هالثابت !! اووما الحين تطورت منفوحه جوالات ونت تكنولوجيا وصار الغزل من الهوايات زي جمع الطوابع والمراسله اللي نقراها في المجلات من اول وماندري وشو الطوابع والمراسله ,, ولو سالنا احد ذيك الأيام وش هوايتك كان قلت له السربته في الشوارع في عز القايله ولا المصاقيل !!
نرجع لمحور حديثنا هواية الغزل صارت الدعوه هوايه وصارو الشباب والبنات يتسابقون من يعلق الثاني ويخليه يحبه عشان بعدها يحوس ابو اؤؤم اللي جابو اهله واللي يطيح الله يخلف عليه وخصوصا لاصار اول مره يحب ياعزتيله يصير مسبه وحالته حاله !!
لا اخفيكم سرا << حلوه الكلمه عجبتني ,, ماعلينا لا تدخلونا في السياسه ,, اول مره حبيت في حياتي طبعا قروي وماقد شفت خير ولا بنات اشوف امي وخواتي واللي في التلفزيون بس ولا قد تكلمت مع بنات الا ام الجيران لاجت لامي في الضحى تتقهوى عندها لا دخلت وقلت (ياولد احم فيه احد ) قالت لي ( هلا وليدي وشلونك ابوي ) عاد انا استحي مارد اسفهها واروح هي تحسبني ثقل مادرت ان مستحي وماعرف ارد على حريم ومفهي ,, المهم حبيت وحده ملكعه وخطيره جداجدا وطاحت بواحد دلخ وبكرتونه كان عليها صوت لاكلمتها تلقاني قاعد متروبع واذا ردت وقالت الو بس تلقاني بدون شعور فاق ثمي ومنبطح على بطني رايح وطي وافهي مع صوتها كنت اقول بنفسي لويسمع صوتها اصقه طاب وعرفت كيف تعلقني وبعدها بدت تلعب فيني صرت كني (كوره بين رجول الثنيان لا سحب في الحمراني من اول في مباريات النصروالهلال ) الزبده بعدها حرمت احب لأن اللي اولها خراب تاليها خراب !!
انتم معي ولا متنحين ؟؟ ايه اشوا (عاد ادولت دقدا دقدا ودقني دقني دق) << الله يخلف على اهلك بس !!
وشسمه ذا << ياكثر اللي يقولونها هالكلمه ابي احتسي عن وشسمه ذا خخخخخخخخخخ << تستخف دمك انت ( طيب طيب لاتدف )
كنت قاعد افكر واقول في باطنيتي = عقلي الباطن ليش الاجانب يخترعون ويفكرون احسن منا تتوقعون ليش ؟؟
انا اقولكم ليش اول شي ماعندهم خمس مرات يصلون فيها في اليوم ولا عندهم (ابو ولا اؤم) يقولون لهم هذا عيب ولا هذا ممنوع ولا عندهم جب خبزصامولي ولا تميزمن المخبز ولا عندهم ودناللسوق ولا عندهم احد يزورهم وصلح له قهوه ولا اطبخله ولا عندهم جب مقاضي ولاخضره للبيت ولا عندهم زواجات وعزايم ولا تحوال ولا ضيفه يعني بالهم مستريح والمثل يقول ( الفاضي يعمل قاضي )
حتى بناتهم فالينها من يجي عمرها 14 سنه ولا 15 سنه قضبوها اهلها الباب وراحت تكد على نفسها ولا سكنت مع خويها ( بوي فرند )<< يعني اخوها من الرضاعه ولا تغسل مواعين عند اهلها ولا تغسل هدوم ولا تكوي هدوم اخوانها ولا تكنس الحوش يعني فاضيه وبالها فاضي !!
فعشان كذا تلقاهم مبدعين ويدورون اي شي يشغلهم !!
لكن حنا طول يومك مشغول يابدراسه ولا وظيفه وباقي يومك مكروف متى بالله الواحد يبدع نبي مساحه وفراغ عشان نبدع << مالت بس !!
صح نسيت ماعندهم قيل وقال وحش في خلق الله ولا عندهم نميمه ولا عندهم حسد وحقد على بعض كل واحد حاله حال نفسه حتى الحيوانات يرفقون فيها حنا عيالنا بس يشوفون قطوه لعنو والديها ترجيم بالحصاء واذا واحد دعس قطوه بالشارع عادي كنه داعس كيس ولا واطي له كرتون هم لا يتأثرون وتلقى الواحد يعاني ايام من تأنيب الضمير
يله خلصت وخرو بدفلج
